Pakihi Māori
E tino tautoko ana i te pakihi Māori

He rerekē ia pākihi Māori. Ahakoa kei te whakahaere koe i tētahi pakihi whānau, te whakahaere rawa mā ētahi atu, te mahi i roto i te hapori, e mārama ana ā mātou tāngata ki āu mahi.

E mārama ana mātou ki te pakihi Māori

He hihiri, he whakaongaonga hoki ki a mātou te rāngai pakihi Māori. Kei roto rātou i ngā rāngai maha, mai i te ahuwhenua ki te mātauranga, tae atu ki te pūtaiao, ki ngā ratonga hapori.

E ngākaunui ana mātou ki te waihanga whanaungatanga pūmau me ā mātou kiritaki me te noho mārama anō ki ō rātou hiahia, nō reira i āta noho mātou ki te patapatai i ngā pakihi Māori mō ō rātou whakaaro. Tirohia ā rātou kōrero.

He mea nui ngā whanaungatanga kaha me ngā tāngata e hāpai ana i a koe.

Ahakoa te rāngai kei roto koe, he hāngai ngā pūkenga me ngā mōhio o ā mātou tāngata hei āwhina i a koe kia eke ai koe.


Tīkina ngā pūtea e hiahiatia ana e koe

Ahakoa kei te tīmata noa koe, kei te whakanui ake, kei te whakawhānui atu rānei i ō pānga, ka whai hua koe i ō mātou mōhiotanga. He pūkenga ō mātou i roto i ngā wāhanga pēnei i te ahuwhenua, kaimoana, rawa whenua, me te hoko ki tai. Ka mahi tahi me koe ki te rapu i te hanganga pūtea tōtika ki a koe.

Tukuna ō whenua kia puāwai

E mārama ana mātou ki te hiranga me te nui o te whenua Māori. E mōhiotia ana mātou mō te āwhina i ngā ariki o ngā whenua kia puāwai o rātou whenua mā te mahi pāmu, ngahere, ahumāra, pūngao hoki.

Whakahaeretia ō pūtea

Mai i ngā moni tāpui ki ngā pūtea whakatipu, ka taea e mātou koe te āwhina ki te whakahaere i ō moni mō āpōpō, ahakoa he tipuranga toenga moni, pūtea Whakataunga Tiriti, pūtea noa rānei e hiahia ana koe ki te whakamahi. Ko te ANZ New Zealand Investments Limited te pakihi whakahaere haumi toa a ANZ me te kaiwhakahaere pūtea nui rawa o Aotearoa.

Tiakina tō pakihi

Ka taea e mātou koe te āwhina ki te tiaki i ō rawa pakihi, tāngata hoki mai i ngā raruraru maha pēnei i te ahi, waipuke, tāhaetanga, raruraru ki ngā whakahaere pakihi, hauātanga hoki, e tūpono whai pānga ki ngā whakahaere o te pakihi. He mōhiotanga, he mātauranga hoki ō mātou ki te tuku hua inihua hāngai e ū ai ki ō hiahia.

Whai hua i ō mātou hononga

He whai wāhitanga mōu ō mātou hononga kua tuia e mātou. He herenga, whanaungatanga hoki ō mātou — i te kāinga me tāwāhi — hei āwhina i a koe me ō mahi pakihi i Aotearoa, ā, puta noa i te rohe o Āhia me Te Moananui-a-Kiwa.

E tautoko ana mātou i ngā hapori

He maha ngā kaimahi Māori a ANZ. Ārahi ai a mātou kaimahi Māori i te whakanuitanga me te whakamanatanga o Te Reo Māori me ōna tikanga i roto i a ANZ me ō mātou hapori kiritaki, ā, i whakamanahia tō mātou pūmautanga e Te Taura Whiri i te Reo Māori*.

Kei te whai hua ā mātou mahi akoranga pūtea. Ka mutu ko mātou te pēke kaha rawa ki te hui kanohi ki te kanohi ki te waihanga whanaungatanga me ngā whānau.


Whakapā mai

He mea nui ngā whanaungatanga kaha me te tangata. He kaimahi ā mātou puta noa i Aotearoa e mahi tahi ana me ngā pakihi Māori pēnei i tāu.

Kōrero mai ki tō mātou rōpū Pakihi Māori

Ka kitea e mātou te tangata tika me ngā pūkenga tika mōu - he tangata e tau ana ki a koe.

Icon

Korero mai


important info icon  He kōrero hira

*I uru a ANZ ki ngā whiringa toa Ngā Tohu Reo Māori a Te Taura Whiri i te Reo Māori i te tau 2015.

Me whai Pūpānui Adobe koe hei pānui i ngā kōnae PDF. Ka taea e koe te Pūpānui Adobe te tikiake mō te koreutu.