Aratohu amuamu a ANZ

E whakamārama ana tēnei aratohu me pēhea te tuku amuamu, ā, ka pēhea tā mātau whakamātau kia tau ai koe. Kei roto anō e whakaatu ana me pēhea te whakapā atu ki Te Mana Tiaki Take Pēke.

Te tuku amuamu

Ka ngana mātau ki te whakarato i ngā hua me ngā ratonga tiketike ki ā mātau kiritaki i konei i Aotearoa, engari ki te hapa mātau, kei te hiahia mātau ki te rongo mai i a koe.

E pūmau ana mātau ki te mahi tahi me mātau kia mārama ai i aha, ā, ka ngana ki te whakatau wawe i tō amuamu.

E kī taurangi ana mātau ki te whakarongo ki a koe me te whakapau kaha kia rapua he whakataunga tika, tōkeke hoki.


Tīkina ake tētahi kape o te aratohu

Tō mātau pūmau ki a koe

  • Ka whakaratoa e mātau he tukanga whakataunga amuamu he koreutu, he tōkeke ki te whakamahi.
  • Ka mārama, ka whakaaronui mātau, me te whakamahi i te reo 'Ingarihi māmā' i roto i a mātau whakawhitiwhiti kōrero ki a koe.
  • Ka tuku mōhiohio ki a koe mō tā mātau tukanga whakatau amuamu, ngā wā, kei te pēhea te haere o tō amuamu.
  • Ka āta whakarongo mātau ki a koe, ka arotakengia ngā mōhiohio ka tukuna mai e koe me te mahi tahi me koe ki te rapu i ētahi atu ara hei whakatau i tō amuamu.
  • Ka ngana mātau ki te whakatau i te amuamu i te wā ka whakaarahia e koe. Mēnā kāore e taea e mātau te whakatau wawe i tō amuamu, ka whakamāramahia atu te take ki a koe.
  • Ka ngana mātau kia kaua e neke atu i te 5 rā mō te whakatau i tō amuamu. Mēnā me roa ake te wā kei te hiahia mātau ka whakamōhio atu ki a koe.
  • Mēnā kāore e whakatauhia e mātau tō amuamu ki tāu i hiahia ai, ka whakamāramahia atu te take mō ō mātau whakaaro, ngā mōhiohio i whakawhirinaki atu mātau mō tā mātau whakatau, ā, me pēhea te whakapā atu ki Te Mana Tiaki Take Pēke.
  • Ka tukuna e mātau ngā mōhiohio katoa e here ana i a mātau i raro i te ture.

Mēnā me whiwhi āwhina koe ki te tuku amuamu

Ka āhei koe ki te tohu i tētahi atu tangata ki te whakahaere i tō amuamu māu, arā, pērā i tētahi hoa, he whanaunga rānei, he māngai ture rānei, he kaitohutohu pūtea rānei. Ka kōrero atu mātau ki tō māngai mēnā ka whakamanatia mātau e koe.

Kei te tuwhera mātau ki te mahi me tētahi kaiwhakamāori reo hei āwhina i a koe ki te tāpae me te whakahaere i tō amuamu, pērā i a iSign, i a NZ Relay rānei (ko te mea hāngai). 

Me whakapā mai mēnā ka hiahia koe i te aratohu i tētahi atu reo, takotoranga rānei.

Me pēhea te tuku i tētahi amuamu

Me kōrero mai mō tō amuamu

Ngā mōhiohio me tuku mai ki a mātau

  1. Tō ingoa
  2. Ō taipitopito whakapā
  3. Te kaupapa o tō amuamu, tae atu:
    - Te hua, te ratonga rānei o tō amuamu me te hapa.
    - Te whakataunga e rapua ana e koe.
    - Mēnā ki tō whakapono kua pā mai ngā taumahatanga ā-pūtea ki a koe, ngā uauatanga rānei, ā, kei te hiahia āwhina koe.

E kore rawa mātau e tono i ō PIN pēke, kupuhipa, waehere haumarutanga, tētahi atu mea ka whakararu i te haumarutanga o ō mahi pēke.

Ō take tūmataitinga

I te mea he mea nui ki a mātau tō tūmataitinga, tērā pea:

  • Ka uia koe e mātau ki ngā pātai haumarutanga hei whakatūturu i tō tuakiri.
  • Me tuku karere tōtika ki a koe mēnā kua pōhitia whānuitia tō amuamu ki te pāpāho pāpori.
  • Me whiwhi i te whakaae a tā mātau kiritaki mai i a rātau tonu, mēnā ka kī mai koe ko koe tōna māngai, ā, kei te tuku amuamu māna.

Ka whakamahia e mātau ngā mōhiohio ka tukuna mai e koe i raro i tā mātau Tauākī Tūmataitinga, e wātea ana i anz.co.nz/privacy.



Ka āhei koe ki te tuku kirimuna i tō amuamu, engari kāore pea e tino whai kaha mātau ki te whakatewhatewha tika me te urupare ki tō amuamu.

Ka ngana mātau ki te whakatau wawe i tō amuamu

Mēnā ka taea, ka ngana mātau ki te whakatau i tō amuamu i taua wā tonu.

Mēnā me whai wā anō mātau ki te whakatewhatewha me te rapu i ētahi atu ara whakataunga me koe, ka whakamōhio atu ki a koe me te whakamōhio haere i a koe e pēhea ana te haere.

Mēnā ka tono koe i a mātau, he uaua rānei tō amuamu, ka tuhi atu mātau ki a koe mō te whakatau.

Ahakoa pēhea te uaua o tō amuamu, ka ngana mātau kia kaua e neke atu i te 90 rā mō te whakatau i tō amuamu (20 rā mahi rānei mēnā he uauatanga ā-pūtea ōu). Me āwhina i a mātau kia ū ki ēnei wā mā te whakautu mai ki ngā pātai ka tukua pea ki a koe.

Ki te kore e whakautua e koe ā mātau pātai, ka mutu rānei tō kōrerorero mai, ka katia pea e tō amuamu mēnā kāore mātau e rongo kōrero mai i a koe i roto i te rua wiki. Ka whakamōhiotia atu koe e mātau mēnā ka pērā.

Me pēhea te whai kia arotakengia tō amuamu

BOS logo

Te Mana Tiaki Take Pēke (The Banking Ombudsman Scheme)

He mema a ANZ New Zealand nō Te Mana Tiaki Take Pēke (BOS).

He whakarato a BOS i tētahi ratonga koreutu, motuhake hei āwhina i a koe ki te whakatau i ō raruraru mō ō mahi pēke. Ka āhei koe ki te whakapā tonu atu ki a rātau ahakoa kei te whakatewhatewhatia tonutia e mātau tō amuamu.

Otirā, me tino whai wāhi a ANZ ki te whiriwhiri i ō māharahara i mua i te arotake a BOS i tō amuamu.

Ka tukuna atu e mātau ngā taipitopito whakapā a Te Mana Tiaki Take Pēke ki a koe ina:

  • Tuhia e mātau tō amuamu, ā, tē taea e mātau te whakatau i taua rā tonu.
  • Kāore koe i te rata ki tā mātau whakautu whakamutunga ki tō amuamu.
  • Kāore anō kia whakatauhia e mātau tō amuamu i roto i te 90 rā.

Whakapā atu ki Te Kaitiaki Mana Tangata

Ngā aratohu hāngai