Skip to main contentSkip to log on

Ta'iala mo faitioga ANZ

O lenei ta'iala ua faamalamalama atu ai le auala e fai ai sau faitioga ma pe faapefea ona matou taumafai e soālaupule lau faitioga i se tulaga e faamalieina ai lou finagalo. O loo 'oto'oto atu ai fo'i auala e faafesoota'i ai le ofisa o le Banking Ombudsman Scheme.

Faia o se faitioga

Matou te taumafai pea e avatu oloa ma auaunaga e silisili ona lelei i a matou pa'aga i Niu Sila nei, ae afai e faalētonu le matou auaunaga, o lea e matou te mana'omia ai sou finagalo faaalia. 

Matou te tuutoina e galulue faatasi ma oe ina ia malamalama i le mea ua tupu ma taumafai e soālaupule lau faitioga i se taimi vave. 

Matou te folafola atu o le a matou faalogologo lelei iā te oe ma faatino i le mea e sili ona matou mafaia i le sa'ilia o se fofō e tatau ma talafeagai lelei.

Ia maua mai (download) se kopi o le ta'iala

Ta'iala mo faitioga ANZ (PDF 281.9KB)

O le matou ta'utinoga iā te oe

  • O le a matou saunia atu se faagasologa o le soālaupuleina o faitioga e leai se totogi ma e tatau ona fa'aaoga.
  • O le a matou manino ma faaaloalo ma faaaoga le gagana 'Peretani faigofie' i a matou feso'ota'iga ma oe.
  • O le a matou saunia atu ni faamaumauga e uiga i la matou faagasologa o le soālaupuleina o faitioga, le umi e faatino ai ma le tulaga ua o'o iai lau faitioga.  
  • O le a matou faalogologo ma le toto'a, iloilo faamatalaga e te tauaaoina mai ma tatou galulue faatasi e su'esu'e nisi auala 'ese'ese mo le soālaupulega o lau faitioga. 
  • O le a matou taumafai e soālaupule lau faitioga i le taimi lava e te logoina ai i matou. Afai e lē mafai ona matou soālaupuleina lau faitioga i se taimi vave, o le a matou fa'amalamalamaina atu le mafua'aga o lea tulaga.
  • Matou te faamoemoe ia uma ona soālaupule lau faitioga i totonu o le 5 aso faigaluega. Afai matou te mana'omia se isi taimi faaopoopo o le a matou logoina atu lava oe.
  • Afai e lē faamalieina lou finagalo i le matou soālaupuleina o lau faitioga, o le a matou faamalamalamaina atu le mafua'aga na matou taunu'u ai i lea manatu, faamaumauga na matou faalagolago iai i le faataunuuina o le matou faai'uga ma le auala e faafeso'ota'i ai le Banking Ombudsman Scheme.
  • O le a matou saunia atu mo oe faamaumauga uma ua poloa'iina ai i matou i lalo o le tulafono.

Afai o e mana'omia se fesoasoani i le faiga o se faitioga

E mafai ona e tofia se isi tagata e fai ma ou sui i le faafoeina o lau faitioga, mo se fa'ata'ita'iga, o sau uo po'o se isi o le tou aiga, se lōia po'o se tagata faufautua i mea tau tupe. O le a matou talanoa sa'o i lou sui pe afai e te faatagaina i matou e faia lea tulaga.

Matou te fiafia e galulue ma se faamatala upu e fesoasoani iā te oe i le faauluina ma le faafoeina o lau faitioga, e pei o le iSign po'o NZ Relay (pe a tusa ai).

Faamolemole faafeso'ota'i i matou pe a e mana'omia le ta'iala i se isi gagana po'o se isi ona fa'atulagaga.

E faapefea ona fai se faitioga

Upega tafa'ilagi

Faaaogā le matou pepa o faitioga o loo i luga o le upega tafa'ilagi i le anz.co.nz/complaints

Lafo mai se meli puipuia mai le Faletupe (secure BankMail) pe afai o lo'o e resitala i le ANZ Internet Banking

Imeli mai matou i le enquiry@anz.com

Lafo mai se feau iā i matou i luga o le Facebook (Api-o-foliga) po'o le Linkedln

 

Vili mai matou

Aso Gafua i le Aso Faraile, 8am - 8pm

Aso Toona'i ma le Aso Sa, 8am - 6pm

0800 560 555

Mai atunu'u i fafo: +64 4 470 3142

 

Auaunaga a le NZ Relay mo tagata e faalētonu le faalogo

  • Telefoni: 0800 4 715 715
  • Telefoni Feau Tusitusia: 0800 4 713 713
  • Fax: 0800 4 329 697
  • Upega tafa'ilagi: www.nzrelay.co.nz

Susū mai pe tusi mai fo'i iā matou

Asiasi mai iā matou

Sa'ili le lālā e latalata ane iā te oe i luga o le upega tafa'ilagi o le anz.co.nz/locations

 

Tusi mai iā matou, e lē mana'omia se faailoga faapipii (stamp)

ANZ Customer Relations
Freepost Authority 178634
Private Bag 92210
Victoria Street West
Auckland 1142

Logo mai matou e uiga i lau faitioga

O ā faamaumauga e tatau ona e tu'uina mai iā i matou

  1. Lou suafa
  2. Ala o feso'ota'iga e te finagalo ai
  3. Le mea e faatatau iai lau faitioga, e aofia ai:
    - Le oloa po'o le auaunaga e faatatau iai lau faitioga ma le mea ua faalētonu.
    - Le i'uga o lo'o e sa'ilia.
    - Pe e te talitonu o lo'o e feagai ma ni faigata i mea tau tupe po'o ni isi faafitauli ma ua e mana'omia ai se fesoasoani.

O le a matou le mafai ona fesiligia oe i au NUMERA FA'ALILOLILO (PINS) mo teugatupe, upu fa'alilolilo, numera puipui fa'apitoa po'o se isi lava mea e ono lamatia ai le saogalemu o au teugatupe.

E tāua lou malupuipuia

Talu ai matou te faatāuaina tele lou malupuipuia, o lea matou te ono mana'omia ai:

  • Fesiligia ai oe i ni fesili mo puipuiga e faamautū ai le fa'amaoniga o lou tagata.
  • Faafeso'ota'i sa'o atu oe pe afai sa e lafoina lau faitioga i luga o faasalalauga faalaua'itele.
  • E mafai ona maua sa'o se maliega o tagata faatau mai iā latou, pe afai e te faailoa mai iā matou o le a fai oe ma o latou sui ma le faiga o le faitioga mo i latou.

O le a matou faaaogaina so'o se faamatalaga e te tu'uina mai e tusa ai ma le matou Ta'utinoga Faalilolilo Aloa'ia (Privacy Statement), o lo'o maua i le anz.co.nz/privacy.

ANZ Privacy Statement (effective 15 December 2023) (PDF 111.3KB)

E mafai ona e faia se faitioga e aunoa ma le faailoaina mai o lou suafa, ae peita'i e ono fai lea ma mea e faaitiitia ai le mafai o le matou su'esu'ega ma le tali atu i lau faitioga.

O le a matou taumafai e soālaupule lau faitioga i se taimi vave 

Afai e fetaui, o le a matou taumafai e soālaupule lau faitioga i le taimi lava lena.

Afai matou te mana'omia se taimi faaopoopo tatou te sa'ili'ilia ai i nisi laasaga e soālaupule ai ma oe, o le a matou logoina ma faafeso'ota'i atu oe i le tulaga ua matou o'o iai. 

Afai e te mana'o iai, pe ua faafaigata fo'i lau faitioga, o le a matou faamautinoa atu iā oe le i'uga e ala i se tusi. 

E tusa lava po'o le ā le lavelave o lau faitioga, o le a matou sini pea e fo'ia e lē sili atu ma le 90 aso (po'o le 20 aso faigaluega pe afai o lo'o e iai i se tulaga faigata i mea tau tupe). Fa'amolemole e fesoasoani mai ia matou i le fa'ataunu'uina o nei taimi fa'atulagaina i lou tali mai lea i ni a matou fesili e ono iai mo oe.

Afai e te lē taliina a matou fesili pe taofia fo'i au feso'ota'iga ma i matou, o le a matou ono tapunia loa lau faitioga pe a matou lē maua se feso'ota'iga mai iā te oe i totonu o le lua vaiaso. O le a matou logoina oe pe afai matou te faia lea tulaga.

Auala e mafai ona toe iloilo ai lau faitioga

O le Banking Ombudsman Scheme

O le ANZ New Zealand o se sui auai o le Banking Ombudsman Scheme (BOS).

E saunia e le BOS se auaunaga e leai se totogi ma tuto'atasi e fesoasoani iā te oe e fo'ia faafitauli i lau teugatupe. E mafai ona e faafeso'ota'ia i latou mo se fesoasoani e tusa lava po'o matou su'esu'eina lau faitioga.

O le tulaga masani, e mana'omia e le ANZ se avanoa talafeagai e iloilo ai ou atugaluga a o le'i tu'uina atu i le BOS e toe iloiloina lau faitioga.

O le a matou tuuina atu iā te oe faamatalaga o fesoota'iga mo le Banking Ombudsman Scheme pe a: 

  • Matou te faamauina lau faitioga ae e lē mafai ona fo'ia i le aso lava lena.
  • E lē faamalieina oe i le matou tali mulimuli i lau faitioga.
  • E le'i uma ona matou soālaupule lau faitioga i totonu o le 90 aso.

Faafeso'ota'i le Banking Ombudsman Scheme

Isi ta'iala lagolago

Faiga Faavae i le Soālaupulega O Fete'ena'iga (Dispute Resolution Principles)

E faaopoopo i lenei pepa, o le a fesoasoani la matou Faiga Faavae i le Soālaupulega O Fete'ena'iga e fa'amautinoa o loo taulimaina ma le tonu faitioga ma o loo ogatusa ma mea o loo faatalitalia mai e le komiuniti.

Dispute Resolution Principles and Model Litigant Guidelines(PDF 94.8KB)

Tulafono o Faiga Faavae a Faletupe (The Code of Banking Practice)

O le Tulafono o Faiga Faavae a Faletupe ua faataatia atu ai aiaiga o faiga fa'a-faletupe lelei pe a feutaga'i ma tagata faatau. E tuutoina le ANZ i le lagolagoina o mataupu faavae o loo folasia i le tulafono.

Code of Banking Practice(PDF 366KB)