skip to log on skip to main content
VoiceOver users please use the tab key when navigating expanded menus

Pakihi Māori

E tino tautoko ana i te pakihi Māori.

Select a language

E mārama ana mātou ki te pakihi Māori

He rerekē ia pakihi Māori. Ahakoa e whakahaere pakihi ā-whānau, e whakahaere ana i ngā rawa mā ētahi atu, e mahi ana rānei ki roto i te hāpori, e mārama ana ā mātou tāngata  ki āu mahi.

He hihiri, he hiamo hoki te rāngai pakihi Māori ki a mātou. He nui rāngai e whai wāhi ana te Māori, mai i te ahuwhenua, ki te mātauranga, te pūtaiao, tae noa ki ngā ratonga hapori.

E ngākaunui ana mātou ki te whakatipu i ngā hononga mau-roa ki a mātou kiritaki, me te mārama anō ki ā rātou hiahia, nā reira ka whai wā mātou ki te whakapāpā atu ki ngā pakihi Māori me te whakarongo ki a rātou whakaaro.

Ngā hononga kaha ki ngā tāngata e taea ana te awhi mai

Ahakoa nō tēhea rāngai koe, kei a mātou tāngata ngā wheako me ngā pūkenga tika hei āwhina i a koe kia angitū ai.

Tīkina te pūtea e hiahia ana e koe

Ahakoa e tīmata ana, e whakawhānui ana, e whakarerekē ana rānei koe i ō aronga, ka whai hua koe i ā mātou wheako. He pūkenga ā mātou ki ngā mahi ahuwhenua, ngā mahinga ika, ngā rawa whenua me te hoko ki tāwāhi. Ka mahi tahi tātou ki te whai i te hanganga pūtea tika mōu.

Penapena pūtea

Mai i ngā moni kuhu ki te whakaritenga o ngā whakahaerenga pūtea, ka taea e mātou te āwhina i a koe ki te whakarite i ō pūtea moni mō āpōpō. Ahakoa he penapenatanga hemihemi, he pūtea whakataunga take Tiriti, he pūtea rānei tau e pīrangi ana ki te whakamahi. Ko ANZ New Zealand Investments Limited te pakihi whakahaere haumitanga toa a ANZ , ā, me te kaiwhakahaere pūtea nui rawa o Aotearoa..

Whakatinanahia te pito mata o ō whenua

E mārama ana mātou ki te hiranga me te whaitake o te whenua Māori. E mōhiotia nei mātou mō te awhi i ngā kaipupuri whenua ki te whakatipu i te pito mata o ō rātou whenua mā te ahuwhenua, mahi ngahere, ahuone me te pūngao.

Ka whakanuia te reo me ngā tikanga Māori e mātou

Neke atu i te tekau tau i mua, i whakatū a ANZ i tētahi hononga kaimahi Māori - ko ngā whainga o te rōpū, he whakanui i ngā tikanga Māori, he whakauru me te whakawhanake i ngā kaimahi Māori, me te āwhina i a ANZ ki te hono pai ki ngā hapori Māori. Nā ā mātou kaimahi Māori i ārahi i te urunga o te ahurea Māori ki roto o te pakihi, mā te whakahaere i ngā akoranga reo utu-kore mā te hapori, te tāpiri i te kōwhiringa reo Māori ki ngā mīhini moni, te whakarahi ake i ngā toi Māori e kitea ana ki ngā wāhi mahi, te whakarite whakanuitanga ahurea mā ngā kaimahi, me te tautoko ā-reo i ngā tumu whakahaere.

Ka tautoko mātou i ngā kaupapa pai

Kua roa a ANZ e noho ana hei kaitautoko matua o Te Kāhui Mate Pukupuku o Aotearoa mai i te tau 1990, ā, me te noho hei kaitautoko ihuwaka o te kaupapa mahi moni a 'Daffodil Day'. Te Tumu Kaimahi o ANZ - he ohu ohaoha ka penapena pūtea ngā kaimihi mai i ā rātou whiwhinga moni - ka tohaina he pūtea ia tau ki ngā ohu ohaoha o Aotearoa e tuku ana i ngā putanga ōkiko ki ō tātou hapori.

He kōrero anō mō tā mātou takohanga rangatōpū >

Whakapā mai ā-ipurangi

He waiwai ngā hononga kaha ki ngā tāngata e whakapono ana koe. He kaimahi ā mātou puta noa i Aotearoa e mahi tahi ana me ngā pakihi Māori e rite ana ki tāu. Ka kimihia e mātou te tangata me ngā pūkenga tika mōu - he tangata āhuru mōu e pai ai te mahi tahi.

Whakapā mai

Related products and services

Sector specialists

Our bankers have extensive expertise and a broad knowledge of banking and finance in legal, accountancy, food and beverage, early childcare education, healthcare, and property finance sectors.

Sector specialists

Agri specialists

As each agricultural sector has its own unique characteristics and challenges, we have teams of specialists with in-depth knowledge and expertise in each of these areas to help support your agribusiness.

Agri specialists

Biz Hub

Access a range of practical and useful tools, guides, workshops and offers to help you navigate the course of starting, running and growing a business.

Biz Hub

I uru a ANZ ki ngā whiringa toa Ngā Tohu Reo Māori a Te Taura Whiri i te Reo Māori i te tau 2015.

Me whai Pūpānui Adobe koe hei pānui i ngā kōnae PDF. Ka taea e koe te Pūpānui Adobe te tikiake mō te koreutu.

Top